Ўзбекистон ва Қирғизистон ташқи ишлар вазирлари стратегик шерикликни мустаҳкамлаш масалаларини муҳокама қилишди
Тошкент, Ўзбекистон (UzDaily.uz) — 14 январь куни Ўзбекистон Республикаси ташқи ишлар вазири Бахтиёр Саидов Қирғизистон Республикаси ташқи ишлар вазири Жеэнбек Кулубаев билан телефон орқали суҳбатлашди.
Томонлар бўлажак икки томонлама ва кўп томонлама тадбирлар кун тартиби бўйича фикр алмашишди, Ўзбекистон-Қирғизистон муносабатларининг ҳозирги ҳолатини муҳокама қилишди ва мамлакатлар ўртасидаги стратегик шерикликни янада мустаҳкамлаш ва ривожлантириш бўйича аниқ қадамларни кўриб чиқишди.
Вазирлар ҳамкорликни конструктив ва истиқболли тарзда ривожлантиришга содиқ эканликларини яна бир бор тасдиқладилар.
