Ўзбекистон ТИВ раҳбари ИҲТнинг фавқулодда йиғилишида иштирок этди
Тошкент, Ўзбекистон (UzDaily.uz) — Ўзбекистон ташқи ишлар вазири Бахтиёр Саидов Ислом ҳамкорлик ташкилоти (ИҲТ) ташқи ишлар вазирларининг фавқулодда йиғилишида иштирок этди.
«Ҳамкасбларимиз билан биргаликда минтақаларимиз умумий равнақи йўлида бирдамлик муҳимлигини таъкидладик», — деди вазир ўзининг Telegram-каналида.
«Атрофимизда юз бераётган барча чақириқлар бўйича мунтазам мулоқот ва фикр алмашишни қўллаб-қувватлаш зарур, деб ҳисоблаймиз. Барча шерикларимиз билан дўстона алоқаларни кенгайтиришга интиламиз», — дея таъкидлади Бахтиёр Саидов.
