Ўзбекистон Президенти Хитой Раисига ҳамдардлик билдирди

Тошкент, Ўзбекистон (UzDaily.uz) -- Ўзбекистон Республикаси Президенти Шавкат Мирзиёев Хитой Халқ Республикаси Раиси Си Сзинпинга Синчуан провинциясидаги кўчки натижасида кўплаб инсонлар ҳалок бўлиши муносабати билан мактуб йўллади. Бу ҳақда ЎзР ТИВ Матбуот хизмати хабар беради.

“Сизга ва бутун Хитой халқига мазкур ҳодиса сабабли самимий таъзия билдираман, ҳалок бўлганларнинг оила аъзолари ва яқинларига ҳамда жароҳатланганларга ҳамдардлик ва далда сўзларимни етказишингизни сўрайман”, - дейилади давлатимиз раҳбари мактубида.