Ўзбекистон муфтийси намоз вақтида кичик болаларни масжидга олиб келмасликка чақирди
Тошкент, Ўзбекистон (UzDaily.uz) — Ўзбекистон мусулмонлари идораси раиси, муфтий Нуриддин Холиқназаров намоз вақтида кичик болаларни масжидга олиб келмасликни тавсия қилди.
Бу чақириқ ижтимоий тармоқларда болаларнинг масжидда намоз вақтида ўйнаётгани акс этган видео тарқалганидан сўнг билдирилган.
Муфтий намоз вақтида диққатни жамлаш муҳим эканини таъкидлаб, Намозда бошқа кишиларга безовталик туғдириш мумкин бўлган ҳолатлардан сақланиш кераклигини эслатди.
Мусулмонлар идораси барча юртдошларни намоз пайтида тартиб ва ҳурматга риоя қилишга чақирди.
