Ўзбекистон эшкак эшиш бўйича Жаҳон кубогида олтин медални қўлга киритди

Тошкент, Ўзбекистон (UzDaily.uz) — Ўзбекистон вакиллари Болгариянинг Пловдив шаҳрида бўлиб ўтаётган пара академик эшкак эшиш бўйича Жаҳон кубоги босқичида олтин медални қўлга киритди.

Ўзбекистон терма жамоасига PR3 MIX2x йўналишидаги олтин медални Акбарали Абдувалиев ва Динара Белянина тақдим этди. Финал баҳсида спортчилар 7:45.71 натижа қайд этиб, биринчи бўлиб марра чизиғини кесиб ўтди.

Мусобақалар Жаҳон кубогининг иккинчи босқичи доирасида ташкил этилди. Турнирнинг сўнгги куни финал баҳслари ўтказилди ва унинг якунларига кўра ўзбекистонлик спортчилар ушбу йўналишдаги етакчилигини яна бир бор тасдиқлади.

Шу тариқа, Ўзбекистон терма жамоаси Пловдив босқичини икки нафар спортчи ҳисобига қўлга киритилган икки олтин медаль билан якунлади.