Ўзбекистон Элчиси Жанубий Корея Президентига ишонч ёрлиғини топширди

Тошкент, Ўзбекистон (UzDaily.uz) -- Ўзбекистоннинг Жанубий Кореядаги Фавқулодда ва мухтор Элчиси Виталий Фен Жанубий Корея Республикасининг Президенти Мун Чжэ Инга ишонч ёрлиғини топширди.

Ишонч ёрлиғини топшириш маросими Cheong Wa Dae резиденциясида бўлиб ўтди.

Эслатиб ўтамиз. 2017 йилнинг 27 май куни Ўзбекистон Республикасининг Олий Мажлис Сенати 10-ялпи мажлисида Виталий Фенни Жанубий Кореядаги Фавқулодда ва мухтор Элчиси лавозимига тайинлаган эди.

Эслатиб ўтамиз, 1995-2013 йилларда Фен Жанубий Корея Республикасида Элчи бўлиб ишлаган эди. Мазкур лавозимда у Ботиржон Асадовни алмаштирди.