Отамуродов ўсмирларга зарарли бўлган қувват берувчи ичимликларни сотишни тақиқлашни таклиф қилди
“Ҳаммамизга аёнки, бугун жаҳонда озиқ-овқат хавфсизлигини таъминлаш долзарб аҳамият касб этмоқда. Мадомики шундай экан, аҳолининг овқатланиш хилма-хиллигини кенгайтириш, мамлакатимизда сифатли ва хавфсиз озиқ-овқат маҳсулотлари ишлаб чиқаришни кўпайтириш ва бунда генларни модификация қилиш усулидан фойдаланишни чеклаш, шу билан бирга, аҳолининг овқатланиш маданиятини юксалтириш энг асосий вазифаларимиз сирасига киради”, - қайд этди у.
“Миллат генофондини асраш ва соғлом авлодни вояга етказиш мақсадида ўсмирларга соғлиқ учун зарарли бўлган қувват берувчи ичимликларни сотишни тақиқлаш ва бу борада маърифий-тушунтириш ишларини тизимли йўлга қўйиш лозим. “Халқи соғлом ва баркамол бўлган мамлакат кучлидир!” тамойилини амалда изчиллик билан ривожлантириш зарур”, - таъкидлади Отамуратов.
