«Ўзтрансгаз» БАА банкидан 18 ой муддатга 300 миллион долларлик кредит жалб этмоқда
Тошкент, Ўзбекистон (UzDaily.uz) — «Ўзтрансгаз» AЖ акциядори Бирлашган Араб Амирликларининг Abu Dhabi Commercial Bank банкидан 300 миллион АҚШ доллари миқдорида кредит маблағларини жалб этиш бўйича йирик битим тузилишини маъқуллади.
Банк маълумотларига кўра, кредит муддати 18 ойни ташкил этади ва уни яна олти ойга узайтириш имконияти мавжуд.
Молиялаштириш шартларига йиллик 3,1 фоизлик фоиз ставкасига қўшимча равишда SOFR индекси, шунингдек 1,35 фоиз миқдоридаги комиссиялар киритилган.
Abu Dhabi Commercial Bank акцияларининг назорат пакети Mubadala инвестиция компаниясига тегишли.
