Ўзбекистоннинг Афғонистон бўйича махсус вакили Россия элчиси билан музокаралар ўтказди
Тошкент, Ўзбекистон (UzDaily.uz) — 4 март куни Ўзбекистон Республикаси Президентининг Афғонистон бўйича Махсус вакили Исматулла Иргашев Россия Федерациясининг Ўзбекистон Республикасидаги Фавқулодда ва Мухтор Элчиси Олег Малгинов билан учрашди.
Суҳбат давомида Афғонистон йўналишидаги Ўзбекистон-Россия ҳамкорлигининг бугунги ҳолати, минтақавий хавфсизликни таъминлаш масалалари ҳар томонлама муҳокама қилинди.
Шунингдек, томонлар Афғонистонни ижтимоий ва иқтисодий тиклашга қаратилган саъй-ҳаракатларни давом эттиришга тайёр эканликларини билдирди.
