Тошкент, Ўзбекистон (UzDaily.uz) — Давлат меҳнат инспекцияси Тошкент шаҳри Олмазор туманидаги «Орзу» массивида жойлашган қурилиш объектида тупроқнинг ўпирилиши юзасидан текширув бошлади. Дастлабки маълумотларга кўра, ҳодиса оқибатида бир киши жабрланган.
Идорада маълум қилишларича, мазкур ҳодиса назоратга олинган.
Текширув доирасида мутахассислар ҳодисанинг сабаблари ва содир бўлиш ҳолатларини аниқлайди, бахтсиз ҳодисага олиб келган бўлиши мумкин бўлган омилларни ўрганади, шунингдек, масъул шахсларнинг ҳаракатларига ҳуқуқий баҳо беради.
Текширув якунлари бўйича Давлат меҳнат инспекцияси қўшимча расмий маълумот тақдим этишини маълум қилди.
