Ўзбекистондаги интернет провайдерлар 3 ойгача мижоз маълумотларини сақлаши лозим бўлади
Тошкент, Ўзбекистон (UzDaily.uz) --
Ўзбекистон Республикаси Ахборот технологиялари ва коммуникацияларини ривожлантириш вазирлиги “Маълумотларни узатиш тармоқларида хизматларни кўрсатиш қонун-қоидаларига, шу жумладан интернетга ҳам ўзгартириш ва қўшимчалар киритиш” буйруғининг лойиҳасини ишлаб чиқди.
Ҳозирда мазкур буйруқ лойиҳаси Ягона интерактив давлат хизматлари порталида кенг муҳокама учун чоп этилган.
Ҳужжатга кўра, интернет провайдерлар фойдаланилаётган Интернет тармоғининг веб-ресурслари (log-файллар) ни ҳисобга олиш ҳамда 3 ойгача мижоз маълумотларини сақлаши лозим бўлади.
