Ўзбекистонда кимё маҳсулотлари ишлаб чиқариш 4,7 фоизга ошди

Тошкент, Ўзбекистон (UzDaily.uz) — 2026 йилнинг январь–май ойларида Ўзбекистоннинг йирик корхоналари томонидан 19,7 триллион сўмлик кимё маҳсулотлари ишлаб чиқарилди.

Миллий статистика қўмитаси маълумотига кўра, бу кўрсаткич 2025 йилнинг мос даврига нисбатан 4,7 фоизга ошган.

Кимё маҳсулотлари ишлаб чиқаришнинг энг катта ҳажми Навоий вилояти ҳиссасига тўғри келиб, бу ерда 5,4 триллион сўмлик маҳсулот ишлаб чиқарилган.

Иккинчи ўринни 3,6 триллион сўмлик кўрсаткич билан Қорақалпоғистон Республикаси, учинчи ўринни эса 2,9 триллион сўм билан Тошкент вилояти эгаллаган.

Қашқадарё вилоятида кимё маҳсулотлари ишлаб чиқариш ҳажми 2,6 триллион сўмни, Тошкент шаҳрида 2 триллион сўмни, Фарғона вилоятида эса 1,9 триллион сўмни ташкил этган.

Қолган ҳудудларда ишлаб чиқариш ҳажми қуйидагича бўлган: Андижон вилоятида — 362,2 миллиард сўм, Самарқанд вилоятида — 341 миллиард сўм, Бухоро вилоятида — 239,9 миллиард сўм, Наманган вилоятида — 209,3 миллиард сўм, Жиззах вилоятида — 130,9 миллиард сўм.

Хоразм вилоятида кимё маҳсулотлари ишлаб чиқариш ҳажми 36,2 миллиард сўмни, Сирдарё вилоятида 17,7 миллиард сўмни, Сурхондарё вилоятида эса 12,3 миллиард сўмни ташкил этган.