Ўзбекистонда инглиз тилини ўқитиш учун Efekta платформасини жорий этиш муҳокама қилинди
Тошкент, Ўзбекистон (UzDaily.uz) — Буюк Британиянинг «Efekta» компанияси вакилларининг Ўзбекистонга ташрифи доирасида мамлакат Касбий таълим агентлигида инглиз тилини ўқитиш учун онлайн платформани жорий этиш масаласига бағишланган учрашув бўлиб ўтди.
Учрашувда таълим жараёнига рақамли технологияларни интеграция қилиш, тил ўрганиш самарадорлигини ошириш ҳамда халқаро тажрибани миллий таълим тизимига мослаштириш масалаларига алоҳида эътибор қаратилди.
Томонлар платформа орқали касб-ҳунар коллежлари талабаларининг компетенцияларини кенгайтириш имкониятларини муҳокама қилди.
Efekta — сунъий интеллект асосида ишловчи замонавий таълим платформаси бўлиб, у ўқувчилар натижаларини таҳлил қилади ва ўқитувчиларга дарсларни режалаштириш ҳамда ўқитиш услубларини такомиллаштириш бўйича тавсиялар беради.
