Ўзбекистонда экскаваторлар ва гусеницали техникани таъмирлаш заводи қурилади
Тошкент, Ўзбекистон (UzDaily.uz) --
Ўзбекистонда умумий қиймати 29 млн. АҚШ долларидан иборат экскаваторлар ва гусеницали техникани таъмирлаш заводи қурилади.
Ўзбекистон Республикаси Президенти Ислом Каримов 2016-йилнинг 3-июнь куни «Экскаваторлар ва гусеницали техникани таъмирлаш заводини қуриш тўғрисида» ПҚ–2543-сон қарорига имзо чекди.
Ҳужжатга кўра, завод Сирдарё вилояти, Янгиер шаҳрида жойлашган тепловоз депоси негизида қурилади.
Экскаваторлар ва гусеницали техникани таъмирлаш заводини қуриш учун мўлжалдаги қиймат 29 млн. АҚШ долларидан иборат. “Ўзбекистон темир йўллари” АЖнинг шахсий маблағлари лойиҳани молиялаштириш манбаи ҳисобланди. Лойиҳа 2016-2017-йилларда амалга оширилади.
