Ўзбекистонда беш кунлик ўқув ҳафтасини жорий этиш таклиф қилинди

Тошкент, Ўзбекистон (UzDaily.uz) — Ўзбекистон фуқаролари таълим тизимида беш кунлик ўқув ҳафтасини жорий этиш талабини илгари суриб, петиция бошладилар.

Халқ мурожаатлари порталида мактабларнинг тўлиқ беш кунлик таълим ва иш жадвалига ўтишини таклиф этувчи мурожаат жойлаштирилган.

Ҳозирча бу масала бўйича расмий қарор қабул қилинмаган. Агар петиция етарли миқдорда имзо тўпласа, у ваколатли органлар томонидан кўриб чиқилади.