Ўзбекистон ва Turk Ticaret Merkezi тўқимачилик экспортини муҳокама қилишди

Тошкент, Ўзбекистон (UzDaily.uz) — “Turk Ticaret Merkezi” таъсисчиси Йилмаз Окуклу билан учрашув бўлиб ўтди.

Учрашув давомида Ўзбекистон миллий тўқимачилик маҳсулотларининг Озарбайжон Республикасидаги нуфузини ошириш, экспорт географиясини кенгайтириш ҳамда савдо уйлари ва шовроомлар ташкил этиш бўйича ҳамкорлик масалалари муҳокама қилинди.

Томонлар Ўзбекистон текстиль маҳсулотларини Озарбайжон бозорида янада фаол тарғиб этиш ва ушбу йўналишда қўшма лойиҳаларни амалга ошириш юзасидан келишувга эришдилар.