Ўзбекистон ва Саудия Арабистони ўзаро ҳамкорликни мустаҳкамлаш масалаларини муҳокама қилишди
Тошкент, Ўзбекистон (UzDaily.uz) — Ўзбекистон ташқи ишлар вазири Бахтиёр Саидов Саудия Арабистони Қироллиги ташқи ишлар вазири шаҳзода Файсал бин Фархон Ол Сауд билан телефон орқали суҳбатлашди.
Томонлар Рамазон ҳайити муносабати билан табриклар алмашишди, тинчлик, фаровонлик ва мусулмон ҳамжамиятининг барқарор ривожланиши тилакларини билдиришди.
Суҳбат давомида Ўзбекистон ва Саудия Арабистони ўртасидаги икки томонлама ҳамкорликни янада ривожлантириш ва изчил мустаҳкамлаш масалалари муҳокама қилинди.
Бундан ташқари, вазирлар Яқин Шарқдаги ҳозирги вазият бўйича фикр алмашишди, минтақада тинчлик ва барқарорликни таъминлаш ҳамда барча масалаларни фақат сиёсий ва дипломатик йўллар билан ҳал қилиш зарурлигини таъкидладилар.
