Ўзбекистон ва Покистон парламентлараро алоқалари мустаҳкамланмоқда

Тошкент, Ўзбекистон (UzDaily.uz) — Олий Мажлис Сенати Раиси Танзила Нарбаева Парламентлараро иттифоқларнинг 150-юбилей ассамблеясида иштирок этиш учун мамлакатимизга ташриф буюрган Покистон Ислом Республикаси парламенти Сенати Раиси Юсуф Ризо Ғилони бошчилигидаги делегацияни қабул қилди.

Учрашувда Ўзбекистон ва Покистон парламентлараро муносабатларини ривожлантириш истиқболлари муҳокама қилинди.  

Томонлар икки давлат парламентларидаги дўстлик гуруҳлари фаолиятини кучайтириш, қонун ижодкорлиги бўйича тажриба алмашиш, ёш парламент аъзолари ўртасида алоқаларни йўлга қўйиш, шунингдек, парламент институтлари ўртасида ҳамкорликни мустаҳкамлашга келишувга эришди.