Тошкент, Ўзбекистон (UzDaily.uz) — 2025 йил 24 апрель куни Ўзбекистон Республикаси Инвестициялар, саноат ва савдо вазири ўринбосари Акрам Алиев “Landers Mining” компанияси вакиллари билан учрашув ўтказди.

Геология-қидирув жараёнига илғор технологияларни жорий этиш, соҳани рақамлаштириш, шунингдек, юқори малакали кадрлар тайёрлаш масалаларига алоҳида эътибор қаратилди. Шу нуқтаи назардан, етакчи хорижий экспертлар иштирокида ихтисослаштирилган ўқув дастурларини ташкил этиш ва ўзаро тажриба алмашиш имкониятлари муҳокама қилинди.

Учрашув якунида томонлар эришилган келишувларни амалий амалга оширишдан ўзаро манфаатдор эканликларини тасдиқладилар ва ҳамкорликни янада кенгайтиришга тайёр эканликларини билдирдилар.