Ўзбекистон ва Афғонистон ҳамкорликни кенгайтириш масалаларини муҳокама қилишди
Тошкент, Ўзбекистон (UzDaily.uz) — 2026 йил 14 апрель куни Ўзбекистон Республикаси Президентининг Афғонистон бўйича Махсус вакили Исматулла Иргашев Афғонистон Ташқи ишлар вазирлигининг Стратегик тадқиқотлар маркази директори ва учинчи сиёсий департаменти раҳбари Абдул Ҳай Қанит билан учрашди.
Мулоқот давомида сиёсий-дипломатик ва савдо-иқтисодий соҳалардаги икки томонлама ҳамкорликнинг асосий йўналишлари муҳокама қилинди.
Томонлар турли даражаларда икки томонлама алоқаларнинг жадал ривожланаётганини қайд этди ва мавжуд салоҳиятдан самарали фойдаланиш зарурлигини алоҳида таъкидлади.
Учрашув конструктив руҳда ўтди ва икки мамлакат ташқи сиёсат идоралари ўртасида амалий мулоқотни келгусида тизимли асосда давом эттиришдан ўзаро манфаатдорлик тасдиқланди.
