Тошкент, Ўзбекистон (UzDaily.uz) — Uzcosmos делегацияси АҚШнинг бир неча штатларида бўлиб, халқаро “Space Symposium” конференциясида иштирок этишди.

Учрашувлар ва асосий воқеалар:

Корея аэрокосмик администрацияси (КАSА) билан англашув меморандуми имзоланди.

«SpaceX» компаниясининг ракетасида Ўзбекистоннинг илмий технологик сунъий йўлдошини учириш масаласи муҳокама қилинди.

Ўзбекистонда «Esri» компаниясининг офиси ёки технологик марказини очиш, “IT Park Uzbekistan” резиденти сифатида минтақавий бўлинма ташкил этиш ғояси илгари сурилди.

Халқаро Астронавтика Конгрессини 2028 йилда Ўзбекистонга олиб келиш бўйича аниқ вазифалар белгиланди.

Франциянинг «Novaspace» консалтинг компанияси билан консультатив ҳамкорлик бўйича келишувга эришилди.

Сув ресурсларини мониторинг қилиш бўйича Калифорния тажрибаси ўрганилди.