Тошкент, Ўзбекистон (UzDaily.uz) — Ўзбекистон миллий терма жамоаси «Мираброр Усмонов Кубоги — 2026» хотира турнирининг иккинчи турида Саудия Арабистони терма жамоаси билан 2:2 ҳисобида дуранг ўйнади. Ғолиб пенальтилар сериясида аниқланди.
Ўзбекистон 42-дақиқада ҳисобни очди. Беҳруз Абдусатторов пенальтини аниқ амалга ошириб, мезбонларни олдинга олиб чиқди.
70-дақиқада Садриддин Ҳасанов Ўзбекистон терма жамоасининг иккинчи голини урди.
Асосий вақт 2:2 ҳисобида якунланди. Пенальтилар сериясида Ўзбекистон терма жамоаси аниқроқ ҳаракат қилди — 4:1.
Турнинг иккинчи учрашувида Россия U-19 ва Арманистон U-20 терма жамоалари ўзаро баҳс олиб борди. Асосий вақт ҳам голларсиз — 0:0 ҳисобида якунланди.
Ушбу учрашув ғолиби ҳам пенальтилар сериясида аниқланди. Унда Арманистон U-20 терма жамоаси 5:3 ҳисобида ғалаба қозонди.
Иккинчи тур учрашувлари Миллий футбол марказида бўлиб ўтди.
