Ўзбекистон парламенти делегацияси Остона шаҳридаги “Отан қорғаушылар” ёдгорлиги пойига гул қўйди

Тошкент, Ўзбекистон (UzDaily.uz) — Қозоғистон Республикасида расмий ташриф билан бўлиб турган Олий Мажлис Сенати Раиси Танзила Нарбаева бошчилигидаги парламент делегацияси Остона шаҳридаги “Отан қорғаушылар” ёдгорлиги пойига гул қўйди.

 “Отан қорғаушылар” ёдгорлиги Ватан озодлиги ва мустақиллиги учун кураш йўлида Қозоғистон халқининг жасорати, матонати ва қаҳрамонлиги рамзидир.