Ўзбекистон Artibir Group билан энергетика лойиҳаларини муҳокама қилмоқда

Тошкент, Ўзбекистон (UzDaily.uz) — Ўзбекистон энергетика ҳафталиги доирасида Энергетика вазирлиги ҳамда Туркиянинг “Artibir Group” компанияси раҳбарияти ўртасида учрашув бўлиб ўтди.

Мулоқот давомида Тошкент шаҳридаги иссиқлик марказларида когенерацион газ-поршенли электр станцияларини қуриш масалалари муҳокама қилинди.

Хусусан, иссиқлик марказлари ҳудудида когенерацион газ-поршенли электр станцияларини барпо этиш лойиҳаси доирасида ҳамкорлик қилишга келишиб олинди.