Тошкент, Ўзбекистон (UzDaily.uz) — Ўзбекистон 2026 йил январь–июнь ойларида 18 та давлатга жами 6,2 млн долларлик 4,6 минг тонна қалампир экспорт қилди. Экспортнинг энг йирик йўналишлари Хитой ва Қирғизистон бўлди. Бу ҳақда Миллий статистика қўмитаси хабар берди.
Йилнинг биринчи олти ойида Хитойга 1,6 минг тонна ўзбек қалампири етказиб берилди. Экспорт ҳажми бўйича иккинчи ўринни Қирғизистон эгаллади — ушбу давлатга 1,2 минг тонна маҳсулот жўнатилди.
Ўзбекистон Қозоғистонга 489,6 тонна қалампир экспорт қилди. Россияга 310,6 тонна маҳсулот етказиб берилган. Испанияга экспорт ҳажми 286 тоннани, Туркияга эса 220 тоннани ташкил этди.
Бундан ташқари, ҳисобот даврида АҚШга 149 тонна қалампир экспорт қилинди.
Қолган давлатлар ҳиссасига 326 тонна экспорт қилинган маҳсулот тўғри келди. Жами 2026 йил январь–июнь ойларида ўзбек қалампири 18 та давлат бозорига етказиб берилди.
