Тошкент, Ўзбекистон (UzDaily.uz) — Ўзбекистон Республикаси Истиқболли лойиҳалар миллий агентлиги (ИЛМА) «NAQD-EX» МЧЖга Ўзбекистонда крипто-дўкон фаолиятини амалга ошириш учун лицензия берди.
Қарор криптоактивлар айланмаси соҳасида хизмат кўрсатувчи провайдерлар фаолиятини лицензиялаш тартиби тўғрисидаги низомга мувофиқ қабул қилинди. Бу ҳақда Ўзбекистон Республикаси Истиқболли лойиҳалар миллий агентлиги маълум қилди.
Лицензия криптоактивлар айланмаси соҳасида хизмат кўрсатувчи провайдерлар фаолиятини лицензиялаш тартиби тўғрисидаги, Адлия вазирлиги томонидан 2022 йил 15 августда 3380-сон билан давлат рўйхатидан ўтказилган низом асосида берилди.
ИЛМА маълум қилишича, берилган лицензия тўғрисидаги маълумотлар белгиланган тартибда лицензияларнинг электрон реестрига киритилди.
