Марказий банк Ўзбекистон капитал бозорида иштирок этишни муҳокама қилди

Тошкент, Ўзбекистон (UzDaily.uz) — Тошкент” Республика фонд биржаси раҳбарияти Raiffeisen Bank International AG (RBI) вакиллари билан учрашув ўтказди.

Учрашув давомида капитал бозорини ривожлантириш, замонавий молиявий ечимларни жорий этиш ҳамда хорижий инвесторларни жалб қилиш масалалари муҳокама қилинди.

RBI Ўзбекистон капитал бозорида кастодиан сифатида иштирок этиш имкониятини кўриб чиқилаётгани, шунингдек маҳаллий брокерлар орқали фонд биржасида фаолият юритишни режалаштирилаётгани қайд этилди.

Шунингдек, томонлар миллий капитал бозори ликвидлилигини ошириш, инвесторлар базасини кенгайтириш ҳамда қимматли қоғозлар билан боғлиқ ҳисоб-китоб, сақлаш ва хизмат кўрсатиш жараёнларига илғор халқаро амалиётларни жорий этиш масалалари юзасидан фикр алмашдилар.

Raiffeisen Bank International AG (RBI) — Раиффеисен Банкинг Гроупнинг марказий муассасаси бўлиб, Марказий ва Шарқий Европа бозорларида катта тажрибага эга. Банк марказий депозитарийлар билан тўғридан тўғри интеграция қилиш, шунингдек халқаро мижозларга кастодиал хизматлар кўрсатиш имкониятларига эга.