Тошкент, Ўзбекистон (UzDaily.uz) —
Ўзбекистон вакилалари Полина Кудерметова ва Мария Тимофеева Хитойнинг Гуанчжоу шаҳрида ўтаётган WTA 250 тоифасидаги Guangzhou Open турнирининг жуфтлик баҳслари финалига йўл олди. Ярим финалда улар индонезиялик Жанис Тьен ва америкалик Венус Уильямс жуфтлигини 6:4, 6:7 (8:10), 10:6 ҳисобида мағлуб этди.
Ҳал қилувчи баҳсда ўзбекистонлик теннисчилар Тайвань вакилалари И-Сюань Чо ва И-Цзэнь Чога қарши майдонга тушади. Финал учрашуви 2026 йил 1 ноябрга белгиланган.
Ярим финал уч сетда якунланди. Кудерметова ва Тимофеева биринчи сетда 6:4 ҳисобида ғалаба қозонди. Иккинчи сетда тай-брейкда 6:7 (8:10) ҳисобида мағлуб бўлди. Ҳал қилувчи чемпионлик тай-брейкида эса 10:6 ҳисобида устун келди.
WTA 250 тоифасидаги Guangzhou Open турнири Хитойнинг Гуанчжоу шаҳрида 2026 йил 26 октябрдан 1 ноябрга қадар ўтказилмоқда.
