Корея элчиси билан учрашув бўлиб ўтди
Тошкент, Ўзбекистон (UzDaily.uz) --
19-июль куни Ташқи иқтисодий алоқалар, инвестициялар ва савдо вазирлигида Корея Республикасинг Ўзбекистон Республикасидаги қайта тайинланган Фавқулодда ва Мухтор Элчиси Квон Ён У билан учрашув бўлиб ўтди.
Учрашув чоғида икки томонлама савдо-иқтисодий, инвестицион ва молия-техникавий ҳамкорликнинг ҳозирги ҳолати ва истиқболлари муҳокама қилинди.
Шунингдек, иқтисодиётнинг устувор тармоқларида Кореянинг етакчи компаниялари билан ҳамкорликда янги қўшма инвестицион лойиҳаларни амалга оширишга алоҳида эътибор қаратилди.
