Кичик бизнесни қўллаб-қувватлаш Фонди 1,64 мингта корхонага ёрдам кўрсатди

Тошкент, Ўзбекистон (UzDaily.uz) -- Кичик бизнес ва хусусий тадбиркорликни қўллаб-қувватлаш Фонди 2016-йилнинг январь-июнь ойларида 1646 та корхонага ўз товарлари ва хизматларини ташқи бозорларда сотишлари учун юридик, молиявий ва ташкилий масалаларда ёрдам кўрсатди.

Олиб борилган ишлар натижасида, умумий қиймати 1,32 млрд АҚШ доллари миқдоридаги экспорт шартномалари имзоланди, унинг доирасида 379 тадбиркорлик субъектлари умумий қиймати 643 млн. АҚШ доллари миқдоридаги экспортни амалга оширишди.