Тошкент, Ўзбекистон (UzDaily.uz) — Ўзбекистон–Қозоғистон чегарасида «Капланбек» ва «Атамекен» божхона постлари фаолияти янгиланган шаклда иш бошлади.
Ушбу назорат-ўтказиш пунктларининг ўтказувчанлик қобилияти сезиларли даражада оширилди: ҳаракатланиш йўлаклари сони иккидан олтигача кенгайтирилди, барча тартиб-таомиллардан ўтиш ўртача 30 дақиқадан кўп вақтни талаб этмаяпти.
Шу билан бирга, ҳайдовчилар учун шарт-шароит яхшиланди — эндиликда улар автомобил кабинасидан тушмасдан, барча текширув жараёнларини контактсиз ва тезлаштирилган усулда амалга оширишлари мумкин.
2023 йилдан бошлаб Евроосиё иқтисодий иттифоқининг ташқи чегараларида жойлашган барча назорат-ўтказиш пунктларида CarGoRuqsat электрон навбат тизими жорий этилган бўлиб, бу чегарадан ўтиш жараёнини янада соддалаштириб, тезлаштирмоқда.
