Ички ишлар вазири Азиз Тошпўлатов Ўзбекистон ММА ассоциациясига раҳбар этиб тайинланди

Тошкент, Ўзбекистон (UzDaily.uz) — Ўзбекистон аралаш жанг санъатлари (ММА) ассоциациясининг янги раиси этиб ички ишлар вазири Азиз Тошпўлатов тайинланди, деб хабар бермоқда мамлакат Миллий олимпия қўмитасининг матбуот хизмати.

Бунгача, 2020 йил августидан бошлаб, ассоциацияга мудофаа вазири Баҳодир Қурбонов раҳбарлик қилиб келган. 2025 йил апрель ойида эса Азиз Тошпўлатов Ўзбекистон волейбол федерациясининг раиси этиб ҳам сайланган эди.

Аралаш жанг санъатлари ассоциацияси 2019 йилда ташкил этилган.

Унинг биринчи раҳбари Отабек Умаров таъкидлаганидек, ушбу ташкилот аввал фақат ўз иштиёқи билан машқ қилиб, мусобақаларда иштирок этган спортчиларни қўллаб-қувватлаш мақсадида тузилган.