Тошкент, Ўзбекистон (UzDaily.uz) — Ўзбекистон терма жамоаси теннисчиси Ҳумоюн Султонов Осиё ўйинларининг тўртинчи даврасига чиқди. Учинчи давра учрашувида у Жанубий Корея вакили Квон Сунву (Kwon Soonwoo) билан баҳс олиб борди.
Учрашув тўхтатилган пайтда Султонов 3:0 ҳисобида олдинда эди. Квон Сунву учрашувни давом эттира олмаганидан сўнг ўзбекистонлик теннисчи мусобақанинг тўртинчи даврасига йўлланмани қўлга киритди.
Шу тариқа, Ҳумоюн Султонов Осиё ўйинларидаги иштирокини давом эттиради.
