Тошкент, Ўзбекистон (UzDaily.uz) — Cobalt 2020–2026 йиллар, жумладан, жорий йилнинг январь–июль ойлари якунлари бўйича Ўзбекистонда энг кўп ишлаб чиқарилган енгил автомобил бўлди. Бунга қадар турли йилларда ишлаб чиқариш ҳажми бўйича асосан Nexia ва Nexia 3 етакчилик қилган.
Миллий статистика қўмитаси маълумотларига кўра, 2026 йилнинг январь–июль ойларида мамлакатда турли русумдаги 263 731 та енгил автомобиль ишлаб чиқарилган. Уларнинг 91 140 таси Cobalt ҳисобига тўғри келган. Кейинги ўринларда 47 521 та автомобиль билан Damas ва 25 779 та автомобиль билан Tracker қайд этилган.
2025 йилда Cobalt ишлаб чиқариш ҳажми 161 152 та автомобилни ташкил этган. Иккинчи ўринни 93 681 та автомобиль билан Damas, учинчи ўринни эса 50 362 та автомобиль билан Tracker эгаллаган. Бир йил аввал ҳам Cobalt етакчи бўлган: 164 887 та автомобиль ишлаб чиқарилган бўлса, Damas кўрсаткичи 101 912 та, Tracker кўрсаткичи 45 918 тани ташкил этган.
2023 йилда Cobalt 118 093 та миқдорида ишлаб чиқарилиб, Damas (89 154 та) ва Gentra (82 133 та)дан ўзиб кетган. 2022 йилда эса кўрсаткичлар мос равишда 101 617, 87 105 ва 72 235 та автомобилни ташкил этган.
2021 йилда Cobalt 71 082 та автомобиль натижаси билан биринчи ўринни сақлаб қолган. Етакчилар учлигига, шунингдек, Damas (55 068 та) ва Gentra (51 061 та) кирган. 2020 йилда ҳам Cobalt 79 908 та автомобиль билан ишлаб чиқариш бўйича етакчилик қилган. Ундан кейин Nexia 3 (66 402 та) ва Damas (51 692 та) жойлашган.
2019 йилда биринчи ўринни 73 151 та автомобиль билан Nexia 3 эгаллаган. 56 211 та автомобиль ишлаб чиқарилган Cobalt иккинчи, 51 824 та автомобиль билан Damas учинчи ўринда бўлган. 2018 йилда ҳам Nexia 3 59 343 та автомобиль билан етакчилик қилган. Ундан кейин Cobalt (37 626 та) ва Damas (34 618 та) қайд этилган.
2017 йилда энг катта ишлаб чиқариш ҳажми Nexia 3 ҳисобига тўғри келган — 34 544 та автомобиль. Кейинги ўринларда Damas (22 496 та) ва Spark (22 360 та) бўлган.
2016 йилда 19 018 та автомобиль билан Nexia етакчи бўлган. Spark 17 735 та, Damas эса 16 817 та автомобиль ишлаб чиқарган.
2015 йилда Nexia яна биринчи ўринни эгаллаган — 47 224 та автомобиль. Иккинчи ўринда 39 532 та автомобиль билан Gentra, учинчи ўринда эса 27 255 та автомобиль билан Cobalt бўлган.
2014 йилда Cobalt 61 189 та автомобиль билан етакчилик қилган. Nexia 58 751 та автомобиль билан иккинчи, Gentra эса 46 397 та автомобиль билан учинчи ўринни эгаллаган.
2013 йилда ҳам Cobalt ишлаб чиқариш ҳажми бўйича биринчи ўринни эгаллаган — 60 412 та автомобиль. Nexia 59 709 та, Matiz эса 31 205 та автомобиль ишлаб чиқарган.
2012 йилда Nexia 83 573 та автомобиль билан етакчилик қилган. Кейинги ўринларда Matiz (55 443 та) ва Spark (33 027 та) жойлашган. 2011 йилда ҳам Nexia 86 200 та автомобиль билан биринчи ўринни эгаллаб, Matiz (57 775 та) ва Spark (28 973 та)дан ўзиб кетган.
2010 йилда ишлаб чиқаришнинг энг катта ҳажми Nexia ҳисобига тўғри келган — 87 100 та автомобиль. Matiz 72 999 та машина билан иккинчи, Lacetti эса 23 917 та билан учинчи ўринни эгаллаган.
