Тошкент, Ўзбекистон (UzDaily.uz) — Ўзбекистон терма жамоаси теннисчилари Сергей Фомин ва Ҳумоюн Султонов Aichi–Nagoya 2026 Осиё ўйинларининг эркаклар ўртасидаги жуфтлик баҳсларини муваффақиятли бошлади. Улар илк учрашувда Chinese Taipei вакиллари, еттинчи рақам остида сараланган Хуан Цун-Хао ва У Тун-Лин жуфтлигини мағлуб этди.
Ўзбекистонлик теннисчилар биринчи сетда 4:6 ҳисобида имкониятни бой берди, бироқ учрашув давомида вазиятни ўзгартиришга муваффақ бўлди. Иккинчи сетда Фомин ва Султонов 6:3 ҳисобида ғалаба қозонди.
Учрашув ғолиби ҳал қилувчи тай-брейкда аниқланди. Унда Ўзбекистон вакиллари ишончли ўйин кўрсатиб, 10:3 ҳисобида ғалаба қозонди.
Шу тариқа, Сергей Фомин ва Ҳумоюн Султонов 4:6, 6:3, 10:3 ҳисобида ғалаба қозониб, мусобақанинг иккинчи босқичига йўл олди.
