Фарғона вилоятида Ми-171 вертолёти ҳалокатга учради, 9 киши ҳалок бўлди

Ўзбекистон Республикаси Мудофаа вазирлигининг матбуот хизмати хабарига кўра, мазкур вертолёт режа асосида парвоз қилган. Ҳалокат оқибатида 3 экипаж аъзоси ва вертолётда бўлган Ўзбекистон Республикаси Қуролли Кучларининг 6 ҳарбий хизматчиси ҳалок бўлди.

Авиаҳалокат сабабларини текшириш бўйича махсус комиссия ташкил этилди.

Ўзбекистон раҳбарияти ҳалок бўлганларнинг оила аъзолари ва яқинларига чуқур ҳамдардлик билдиради.