Тошкент, Ўзбекистон (UzDaily.uz) — Ўзбекистондаги икки давлат банки бошқарувлари таркибида ўзгаришлар юз берди. «Turonbank» АТБ ва «Микрокредитбанк» АТБ бошқарув раисларининг ўринбосарлари эгаллаб турган лавозимларидан озод этилди.
«Turonbank» АТБ бошқаруви раисининг ўринбосари Зоҳиджон Обидовнинг ваколатлари 29 сентябрдан муддатидан олдин тугатилди.
«Микрокредитбанк» АТБ бошқаруви раисининг ўринбосари Содир Мелибаев ҳам эгаллаб турган лавозимидан озод этилди.
«Turonbank» қарорида айтилишича, мазкур қарор 16 сентябрда Бош вазир ўринбосарининг топшириғи билан белгиланган вазифалар, шунингдек, Марказий банкнинг 4 сентябрдаги танқидий хати билан боғлиқ ҳолда қабул қилинган.
