Баҳром Урманов мудофаа вазирининг рақамлаштириш бўйича ўринбосари бўлди

Тошкент, Ўзбекистон (UzDaily.uz) — Полковник Баҳром Урманов Ўзбекистон мудофаа вазирининг рақамлаштириш, сунъий интеллект ва киберхавфсизлик масалалари бўйича ўринбосари этиб тайинланди. Тегишли қарор мамлакат президенти томонидан имзоланди.

Янги тайинловга қадар Урманов Ўзбекистон Қуролли кучлари Бош штаби Алоқа, ахборот технологиялари ва ахборотни ҳимоя қилиш бош бошқармасига раҳбарлик қилиб келган.

Янги лавозимда у мудофаа идорасининг рақамли инфратузилмасини ривожлантириш, замонавий технологияларни жорий этиш, шунингдек, киберхавфсизлик соҳасидаги чора-тадбирларни кучайтириш учун масъул бўлади.

Шунингдек, Ўзбекистон Республикаси Президентининг тегишли фармойишига мувофиқ, полковник Мирсаид Шукуров Жануби-ғарбий махсус ҳарбий округ Жанубий оператив қўмондонлиги бошлиғи лавозимига тайинланди.