Азиза Зокирова Ўзбекистон терма жамоасига жаҳон чемпионатида учинчи бронза медалини олиб келди

Тошкент, Ўзбекистон (UzDaily.uz) — Ўзбекистон терма жамоаси Ливерпул шаҳрида бўлиб ўтаётган бокс бўйича жаҳон чемпионатида учинчи бронза медалига эга чиқди.

70 килограммгача бўлган вазн тоифасида Азиза Зокирова ярим финал жангда австралиялик спортчи Лекеиша Перголитидан 0:5 ҳисобида мағлубиятга учради ва бронза медалига эга бўлди.

Бундан олдин Феруза Қазоқова (51 кг гача) ҳамда Сабина Бобокулова (48 кг гача) бронза медалини қўлга киритган эди. Бу эса ўзбек боксиёрларининг жаҳон мусобақасида барқарор натижа кўрсатаётганидан далолатдир.