Арслонбек Тожиев Лозаннадаги Grand Slamда кумуш олди

Тошкент, Ўзбекистон (UzDaily.uz) — Ўзбекистон терма жамоаси дзюдочиси Арслонбек Тожиев Лозаннада ўтказилган «Катта дубулға» туркумидаги мусобақада кумуш медални қўлга киритди. Бу медаль ўзбек жамоасининг мусобақадаги иккинчи медали бўлди.

81 кггача бўлган вазн тоифасида Тожиев саралаш босқичини муваффақиятли ўтказиб, барча рақиблари устидан ғалаба қозонди ва финалга йўл олди.

Ҳал қилувчи баҳсда ўзбекистонлик дзюдочи Қозоғистон вакили Аблайхан Жубаназар билан куч синашди. Беллашув якунига кўра Тожиев рақибига мағлуб бўлиб, иккинчи ўринни эгаллади.

Шу тариқа, Ўзбекистон терма жамоаси Лозаннада ўтказилаётган «Катта дубулға» туркумидаги мусобақада иккинчи медалини қўлга киритди.