АҚШ Хўжанд декларациясини қўллаб-қувватлади
Тошкент, Ўзбекистон (UzDaily.uz) — Америка Қўшма Штатлари яқинда имзоланган Хўжанд декларацияси ва Қирғизистон, Тожикистон ва Ўзбекистон ҳукуматлари ўртасидаги уч давлат давлат чегаралари туташ нуқтаси бўйича шартномани қўллаб-қувватлайди. Бу ҳақда АҚШнинг Тошкентдаги элчихонаси маълум қилди.
«Бундай қадамлар минтақавий интеграцияни қўллаб-қувватлаш ва барқарорликни мустаҳкамлаш учун муҳим аҳамиятга эга», — дейилади дипломатик ваколатхона баёнотида.
«Биз ушбу келишув иқтисодий имкониятларни кенгайтиришга, уч давлат халқлари ўртасида яқин алоқалар ўрнатилишига ва бутун минтақа барқарорлигини мустаҳкамлашга олиб келишига умид қиламиз», — деб қўшимча қилди элчихона.
