Ўзбекистонда соғлиқни сақлаш хизматлари ҳажми 11,3 трлн сўмга етди

Тошкент, Ўзбекистон (UzDaily.uz) — Ўзбекистонда 2026 йил январь–июнь ойларида соғлиқни сақлаш соҳасида кўрсатилган хизматлар ҳажми 11,3 триллион сўмни ташкил этиб, ўтган йилнинг мос даврига нисбатан 16,8 фоизга ошди. Бу ҳақда Миллий статистика қўмитаси хабар қилди.

Кўрсатилган хизматлар таркибида энг катта улушни соғлиқни сақлашнинг бошқа хизматлари эгаллаб, уларнинг ҳиссаси 53,7 фоизни ташкил этди. Шифохона муассасалари хизматлари умумий ҳажмнинг 31,8 фоизига, тиббий амалиёт ва стоматология хизматлари эса 14,5 фоизига тўғри келди.

Соғлиқни сақлаш хизматларининг энг юқори ҳажми Тошкент шаҳрида қайд этилди. Олти ой давомида бу кўрсаткич 5,2 триллион сўмга етди.

Кейинги ўринларда Тошкент вилояти 1,1 триллион сўм ва Самарқанд вилояти 830,2 миллиард сўм кўрсаткич билан қайд этилди.

Фарғона вилоятида соғлиқни сақлаш хизматлари ҳажми 675,4 миллиард сўмни, Наманган вилоятида 550,4 миллиард сўмни, Андижон вилоятида эса 507,2 миллиард сўмни ташкил қилди.

Бухоро вилоятида мазкур кўрсаткич 392,3 миллиард сўмга, Хоразм вилоятида 390,9 миллиард сўмга, Қашқадарё вилоятида 360,4 миллиард сўмга, Қорақалпоғистон Республикасида эса 335,5 миллиард сўмга етди.

Сурхондарё вилоятида соғлиқни сақлаш хизматлари ҳажми 262 миллиард сўмни, Жиззах вилоятида 251,5 миллиард сўмни, Сирдарё вилоятида 203,2 миллиард сўмни, Навоий вилоятида эса 193,1 миллиард сўмни ташкил қилди.