Тошкент, Ўзбекистон (UzDaily.uz) — АҚШ халқаро авиарейслар орқали мамлакатга келувчи барча йўловчилар, жумладан, транзит йўловчилар учун декларация тўлдириш талабини жорий этади.
Янги чора АҚШ шарқий вақти билан 3 ноябрь куни соат 23:59 да кучга киради. Унинг мақсади Эбола вирусининг мамлакатга кириб келиш хавфини камайтиришдан иборат.
Йўловчилар парвоздан олдин қоғоз ёки электрон шаклдаги декларацияни тўлдириб, имзолашлари керак бўлади. Ҳужжатда улар парвоздан олдинги 21 кун давомида Конго Демократик Республикаси (КДР) ҳудудида бўлмаганини тасдиқлашлари лозим.
КДР аэропорти орқали транзит билан ўтиш ҳам йўловчи мамлакат ҳудудида бўлган деб ҳисобланади. Бу ҳатто йўловчи самолётдан ёки аэропорт биносидан чиқмаган ҳолатларга ҳам тааллуқли.
18 ёшга тўлмаган йўловчилар учун декларацияни ота-онаси, васийси ёки бошқа ваколатли шахс имзолаши керак.
Парвоздан олдин тўлдирилган декларацияни тақдим этмаган йўловчилар рейсга чиқарилмайди.
Ҳужжат шаклини АҚШнинг Касалликларни назорат қилиш ва профилактика қилиш марказлари (CDC) сайтидан олиш мумкин.
