Тошкент, Ўзбекистон (UzDaily.uz) — Ўзбекистон енгил атлетика терма жамоаси вакили Анвар Анваров Будапешт шаҳрида ўтаётган Hungarian Athletics Grand Prix халқаро турнирида кумуш медаль соҳиби бўлди. Бу ҳақда Ўзбекистон Миллий олимпия қўмитаси матбуот хизмати хабар қилди.
Узунликка сакраш баҳсларида ўзбекистонлик спортчи 8,12 метр натижа қайд этди. Анваров ушбу кўрсаткичга иккинчи уринишда эришди ва бу натижа унга мусобақада иккинчи ўринни эгаллаш имконини берди.
Мусобақа ғолиби Грекия вакили Мильтиадис Тентоглу бўлди. У 8,31 метр натижа қайд этди. Бронза медални эса Германия спортчиси Саймон Батц қўлга киритди. У ҳам 8,12 метр натижа кўрсатди.
