Тошкент, Ўзбекистон (UzDaily.uz) — Ўзбекистон кураш терма жамоаси вакили Аҳрор Зиёдуллаев Aichi-Nagoya-2026 Осиё ўйинларида 81 кг гача бўлган вазн тоифасида олтин медални қўлга киритди.
Бу ҳақда Ўзбекистон Миллий олимпия қўмитаси хабар берди.
Зиёдуллаев финал баҳсида эронлик спортчи Рамин Аҳмадзодани мағлуб этиб, Осиё ўйинлари чемпиони бўлди.
Ўзбекистон терма жамоаси учун яна бир медални енгил атлетикачи Анвар Анваров қўлга киритди. У узунликка сакраш баҳсларида 8,06 метр натижа қайд этиб, бронза медал соҳиби бўлди.
Шу тариқа, 28 сентябрь куни Ўзбекистон вакиллари делегация жамғармасини бир олтин ва бир бронза медаль билан тўлдирди.
