Тошкент, Ўзбекистон (UzDaily.uz) — 2026 йилдан бошлаб Ўзбекистонда электр энергияси ва табиий газ тарифлари камида уч йил муддатга белгилаб қўйилади. Мазкур тартиб 2025 йил 1 апрелдан кучга киради.
Бу ҳукуматнинг **"Ёқилғи-энергетика соҳасида тариф сиёсатини янада такомиллаштириш бўйича қўшимча чора-тадбирлар тўғрисида"**ги қарори билан белгиланган.
Ҳужжатга мувофиқ, 2035 йилга қадар барча ҳудудларда электр энергияси ва табиий газ учун ягона тариф сиёсати босқичма-босқич жорий этилади.
Шунингдек, кам таъминланган ва ижтимоий ҳимояга муҳтож аҳоли қатламларини давлат томонидан қўллаб-қувватлаш учун базавий тарифлар ва компенсациялар механизми амалга оширилади.
Эслатиб ўтамиз, ёқилғи-энергетика соҳасида янги тариф сиёсати принциплари ҳақида 2024 йил июнь ойида маълум қилинган эди. Бунгача электр энергияси ва газ нархи бир йилда икки мартагача қайта кўриб чиқилар эди.
