2025 йилнинг биринчи ярмида Ўзбекистонда 1,15 млн тонна мева ва резаворлар етиштирилди

Тошкент, Ўзбекистон (UzDaily.uz) — Миллий статистика қўмитасининг дастлабки маълумотларига кўра, 2025 йилнинг январь–июнь ойларида республикамиздаги барча тоифадаги хўжаликлар томонидан 1 151,3 минг тонна мева ва резаворлар етиштирилган.

Бу кўрсаткич ўтган йилнинг мос даврига нисбатан 6,6 % га ошган.

Хўжалик тоифалари бўйича уларнинг ҳажми қуйидагича:

фермер хўжаликларида – 463,9 минг тонна

деҳқон ва томорқа хўжаликларида – 661,3 минг тонна

қишлоқ хўжалиги фаолиятини амалга оширувчи ташкилотларда – 26,1 минг тонна