2025 йилнинг биринчи чорагида Ўзбекистон ҳаво юклари ҳажми 31,9 фоизга ошди

Тошкент, Ўзбекистон (UzDaily.uz) — 2025 йилнинг январь-март ойларида Ўзбекистон Республикаси ҳудуди бўйлаб ҳаво транспортида ташилган юклар ҳажми 13,9 минг тоннани ташкил этди. Бу ҳақда Миллий статистика қўмитаси хабар берди.

Бу кўрсаткич 2024 йилнинг шу даврига нисбатан 31,9 фоизга ўсганлигини билдиради, бу эса мамлакатнинг ҳаво юклари соҳасида юк ташишнинг барқарор ўсиши ва фаоллигидан далолат беради.