Oʻzbekiston va Norvegiya uch yillik yadroviy xavfsizlik loyihasini boshladi

Toshkent, O’zbekiston (UzDaily.uz) — O‘zbekiston va Norvegiya radiatsiya va yadro xavfsizligi sohasidagi normativ-huquqiy bazani takomillashtirishga qaratilgan yangi uch yillik loyihani amalga oshirishni boshladi, deb xabar bermoqda “Dunyo” AA muxbiri.

Loyiha Norvegiyaning yadro sohasidagi harakatlar rejasi doirasida moliyalashtirilib, O‘zbekiston Sanoat, radiatsiya va yadro xavfsizligi qo‘mitasi hamda Radiatsiya va yadro xavfsizligi ilmiy-texnika markazi bilan hamkorlikda amalga oshirilmoqda.

Hamkorlikning asosiy yo‘nalishlari milliy normativ-huquqiy hujjatlarni takomillashtirish, radiatsiya va yadro xavfsizligi sohasida davlat tomonidan tartibga solish tizimini yanada rivojlantirish, shuningdek, ilg‘or xalqaro tajribani o‘rganish va amaliyotga joriy etishni o‘z ichiga oladi.

Norvegiya Radiatsiya va yadro xavfsizligi boshqarmasi (DSA) ma’lumotiga ko‘ra, Norvegiya delegatsiyasi Toshkentga tashrifi doirasida O‘zbekistonning tegishli davlat idoralari vakillari bilan qator uchrashuvlar o‘tkazilgan.

Unda loyihaning maqsad va ustuvor yo‘nalishlari, shuningdek, mamlakatda radiatsiya va yadro xavfsizligini ta’minlash milliy tizimini yanada mustahkamlashga qaratilgan amaliy vazifalar muhokama qilingan.