Toshkent, O’zbekiston (UzDaily.uz) — O‘zbekiston tashqi ishlar vazirining birinchi o‘rinbosari Bahromjon Aʼloyev 5 oktyabr kuni Eronning O‘zbekistondagi Favqulodda va Muxtor Elchisi Muhammad Ali Eskandariy bilan uchrashdi.
Uchrashuvda tomonlar asosiy yo‘nalishlar bo‘yicha ikki tomonlama hamkorlikni mustahkamlash istiqbollarini muhokama qildi.
Xususan, siyosiy va savdo-iqtisodiy hamkorlikni rivojlantirish, transport hamda madaniy-gumanitar sohalardagi o‘zaro hamkorlikni kengaytirish masalalari yuzasidan fikr almashildi.
Suhbatdoshlar, shuningdek, yaqin istiqbolga mo‘ljallangan tadbirlarni ko‘rib chiqdi hamda dolzarb mintaqaviy masalalar yuzasidan fikr almashdi.
